Erakusketa: Bodegoiak

 Azken urte honetan Marpin, eta Jaime Susín-en gidaritzapean, frutak pintatu ditut, akrilikoen oinarrizko hiru kolorez, nahasketak, bolumenak eta argiak landu nahi nituelako. Orain Marpiko eskaparatean (Errendetia kalea 10, Donostia) daude ikusgai. Pozik nago.

 

Aulkia

 Orain aulkiarekin sartuko gara. Birakaria izan beharko litzateke mutila erraz eseri eta atera ahal izateko. Erikek ideia bikaina proposatu digu: gurpiltxoen gainean jarri ardatz baten inguruan eta errez mugituko da alde batera edo bestera. Gero ibiltzeko erdian finkatu beharko dugu. Ongi!

  

Direkzio barran arazoak izan eta nola bideratu

 Amortiguadoreak gora eta behera egiten zuenean gurpila kanporantz mugitzen zen, 10 bat zm, eta direkzio barrari tira egingo zion, ezinezko moduan... 

 

 Arazo horrekin DonBosco-ko autoen mekanikako irakasle batengana (Joseba) jo genuen eta ederki azaldu zigun arazoa non zegoen eta nola konpondu: amortiguadorearen barrak horizontalak jarri behar dira, gorako eta beherako mogimenduetan gurpilaren alboko desplazamendurik ez izateko. Bide batez direkzioaren adibide onak erakutsi zigun. 

 Beraz, egoera honetatik...

 ... egoera honetara pasa gara, goiko ardatza gorago eramanda, tutu gehiago erantsita. Baina erortzen zen eta azpian tope bat jarri behar izan diogu...

 

 

 

 

 

 

 Honela ikusten da orain behetik ikusita

 

 Bieletak Akermanen angeluan jartzen

...eta direkzio barra

Kablearen irteerak lagundu behar dira...

...pieza txikiak soldatuta, kablea bideratzeko eta topea jartzeko  

 

 Horrela ondo doala uste dugu eta gurpilekin eta motorekin frogak egin arte uzten dugu. 

Direkziorako motorea

 Ideia honen atzetik genbiltzan. Motorea izateko kotxeen haizetako-garbigailua edo leihoen igogailua bilatu nahi genuen eta automobilak desegiteko tailer batera jo dugu.  

 Desguaces Oiartzunen leihoak igotzekoa erakutsi eta opari digute!. Mila esker!!

Elektronika osoa kendu diogu eta esker-eskubi sinplea utzi dugu. Indar handia du, 4 anperio erabiltzen ditu martxan, baina oztopatuz gero 10 anperioraino igotzen da...

Honela erabiliko dugu, behar bada...

 

Akerman-en geometria

Biraketak ongi egiteko, hau da, gurpilak derrapatu gabe, bieletak angelu berezian lotuta egon behar dute, atzeko ardatzaren erdiari begira. Forma horri Akerman angelua deitzen zaio, asmatzailearen izenarekin, Akerman ingeniaria, hain zuzen..

Arazo bat bistaratu zaigu: amortiguadorearen angeluarengatik, gurpila gora behera mugitzen denean gehiegi zabaltzen da eta hagatxoari tira egingo dio, apurtzeko moduan... Hori birpasa egin behar dugu eta konponbidea bilatu...