Tutuei alternatiba!

Lagun batek esanda (Joseanek) xafla isolatzaile batekin egingo dut froga. Tutuak baino askoz errezagoa da jartzeko. Baina eman diogu eta... erretsinak ez du hartzen. Ez du jatzen, ez du erretzen edo disolbatzen, baina ez zaio itsasten... galdetu behar dut erabiltzerik ote dagoen...

2 metro erosi ditut

kola egokiren bat aurkitzen badut erabiliko dut, ondo gelditzen baita

·················x···············

Masten euskarriak nola sendotu ari naiz pentsatzen, eta barrura sartuko edo iragaziko litzaiokeen ura nola atera ere ari naiz bueltaka...

-----------------------------*---------------------------------

lehenengo kaskoaren barrukoa bukatu dut

Poliki eta tarteka geruza osoa jarri diot barrutik lehenengo kaskoari. Azkenean bukatu dut fase hau!  "a" moduan jarri ditut zatiak, baina uste dut bigarren kaskorako "b" modua erabiliko dudala, azkarrago izango da-eta.

Ondoren, pauso esanguratsuak eman ditut:

• zuakerren artekoak flexiplast-tutuz betetzeko froga bat egin dut. Horrela betetzea eta beste geruza batez bukatzea egokia iruditzen zait: ez du pisu handirik hartuko (100m-k 2'5kg),  bihurduraren kontra lagunduko du eta zuakerrak babestuko ditu mastak-eta sartzean. Kontran, --"trade-off"-ean, auzo batek esaten duen moduan--, lana izango da (400 bat metro zatitu eta mugitu beharko baitut...) eta prezioa, 100 metrok 25€ balio dute.

 

• gila-gakoak sendotu ditut, batez ere 13, 14 eta 15garrena, masta bermatuko baita haien gainean.

• luzerako hagatxoa moztu dut, zuaker-tarteak erabat zabal izateko. Milimetro pare bat mugitu da beherutz, malgutasunez, baina ez da ezer berezirik gertatu. Barrura iristeko dexente irabazi dut.

 

...ez du forma galdu...

• Pasadoreak askatu ditut (errez atera dira) eta sendotu ditut.

            Hemendik aurrera hauxe egin behar dut:

• haga nagusien kaskoko zuloak bete eta goikaldeak indartu
• amoladoraz kael-ertza txukundu eta zuntza lerro bat jarri kael osoan
• zuaker-tarteak tutuz bete (?)
• masten euskarriak hasi prestatzen (agian ataza hau bigarren kaskoa egin ondorenerako utziko dut...)

•  branka aldean mastek, sendotasunez, egurrezko makilak izan beharko lutekelakoan eusteko gunea pentsatu, eta, behar bada, prestatu beharko nuke:

 

 ...ikusiko dugu...