viernes, 17 de noviembre de 2017

Eolikata Tabakaleran

Tabakalerako Hirikilabs-ek irailan irekitako proiektu deialdian aurkeztu nuen katamaran txikia garatzeko laguntza eta onartu zidaten! Horrez geroztik ari naiz lanean han, beste hainbat proiektu garatzaileekin.


 Oso leku irekia da, proiektu guztiak batera garatzeko moduan, eta elkarren arteko hartu-emana handia sortzen da.
Hasieratik laguntza handia eman didate, batez ere 3D inpresoretan piezak egiteko. Transmisioa erabat aldatu dugu, kable malgua alboan utzita engranajeak erabiltzeko abantailak erakutsi dizkidate (ez da aldiro erdoiltzen eta froga gehiago egin ahal izango dugu...). Carlos izeneko gizonak prestatu du sistema osoa: engranajeak eta babesa, helizea, soportea eta polea. Nola eskertu?

    c







Alboko flotadoreen ordez, manga zabaltzea egokiagoa dela iruditu zaigu eta horretara joko dugu. Datozen saiotan berriro montatuko dugu zabalago. Ea nola gelditzen den. Manga gehiago izanda, eslora eskasa geldituko ote den, eta behar bada popa alderuntz irauli daiteke haize handiarekin... Ikusiko dugu..


Oso berezia egin zait elkarren arteko harremana. Beti dago norbait laguntzeko prest, galderak erantzuteko, ideiak partekatzeko...


jueves, 7 de septiembre de 2017

Eolikata

Ideia baten atzetik nabil, hipotesi moduan frogatu nahian, ea haize errota batek mugitu dezakeen itsasontzi bat. Errotaren bira zuzen emanda helizeari ea zer gertatzen den...   >>Bideoa euskaraz 3,5 min
    Ekarpen guztiak ongi etorriak dira!

Estoy tras una idea, tratando de probar la hipótesis de si un molino de viento puede mover un barco. A ver qué sucede aplicando la rotación del rotor directamente a la hélice.  >>Bideo en castellano 3,5 min
    Todas las aportaciones son bien venidas!

 
    


















Hobetzeko, aurreratzeko:
  • alboko flotadoreak
  • helizea
  • urrutiko agintea, lementzat


A mejorar y avanzar: 
  • flotadores auxiliares, 
  • hélice, 
  • mando a distancia para los timones
Jarraituko dut bidea kontatzen..

  >>Bideoa euskaraz 3,5min

 >>Bideo en castellano 3,5 min












sábado, 8 de julio de 2017

Murala




Labarretako irudien haritik jarraituz, lagun batek mural handi bat egitea proposatu zidan, bisonteekin, bi uztaien trukez :-)    Hona hemen prozesua:


 Hau zen ideia nagusia: mozorrotuta dagoen ehiztari batek paraje berri batean animali mordoa ikusita familiari kontatzen diona...

Okre gorriaz (hematita) eta horiaz (limonita) margotu nahi nuen, benetakoak bezala... Hemen saio txiki bat (40 x 40 cm)


Oihalak 3,30 x 1,50 m ditu, olan gogorra.


Beltza egur errearekin, ikatzarekin, egin dut...


...olioz (hezur-muinaren ordez) eta txuringoz nahasita.




Gorria berriz hematitaz.., Aguraingo Ikerrek eskuratuta..

Limonitarekin nahasita tarteko koloreak sortzen dira...



Ordenadorez egindako montajea, belarra nola geldituko zen antzemateko...

Etxean, belar ereduak...





 Honela gelditu da, oraingoz. Ehiztaria erdi ezkutatuta egon beharko litzake, kanaberen artean.. Zati hori hobetu beharko nuke...


Dena den argazki bat behar da kanpoan eginda..