anjel2j : IZEICAR

Izeicar

2022-10-01- Hasierako ideia.

Bueltaka neukan kotxetxo elektrikoaren asmoa Tabakalerako Medialabean proposatu nuen eta urriaren hasieran edo onartu zidaten. Laguntza teknikoa, bertako tresneria eta lantaldea sortzeko aukera zabaldu zitzaidan. Zeozer egiteko modukoa!

Hau da hasierako ideiaren irudia :

Eta hau da TABAKALERAn egindako proposamenaren azalpena:

"Kotxetxo elektrikoaren proiektua"

Aurkezten dudan proiektua gaixotasun genetiko baten ondorioz mugikortasuna mugatua duen mutiko batentzako da. Gaur egin 6 urte ditu eta 15 bat kilo. Gipuzkoako herri txiki bateko baserri batean bizi da eta eskolara joateko mendiko bide batetik 5 bat minutu dauzka edo bestela errepidetik joan behar du, kotxez eramanda.

Lau gurpileko ibilgailu elektriko bat egin nahi nuke bere autonomia zabaltzeko, bai ikastetxera bere kabuz joateko, baita gelakideekin eta irakasleekin astean behin mendian egiten dituzten “baso-eskola” txangoetan laguntzeko ere, aulki gurpildun arruntak ezin baitu mendiko bideetan ongi ibili eta bizkarrean eramaten dute. Kotxetxo horrekin bere kontura joango litzateke kideen ondoan .

4 gurpildun ibilgailua irudikatzen dut, motore elektriko bana gurpil bakoitzean, motelgailu altu xamarrekin bideetan ibiltzeko eta joystickez gidatuta, errez bideratzeko. Prototipoa 30bat kilotarako pentsatuko nuke, arin xamarra eta ahal bada kotxean garraiatzeko moduan."

Lankideak

Aurkezpenean bertan bi pertsonek adierazi zidaten laguntzeko gogoa eta hurrengo egunetan beste hiruk. Beraz modo batean edo bestean 6 pertsona gaude lantaldean: Erik, Edu, Carlos, Juan Mari, Josetxo eta ni, Anjel. Asteazkenetan bilduko gara orokorrean, arratsaldez.

Interneteko ereduak. Frantsesa

Hurrengo egunetan Internetean egindako bilaketetan prototipo asko azaldu dira, PVC tutuaz egindako batetik oso sofistikatuak diren ereduetaraino. Mundu oso bat dago mendiko kar eta bizikleta elektriko egokituetan...

Azken modelo hau, Frantsesa, asko gustatu zitzaigun eta Carlosek piezak marraztuko zituela eskaini zuen. Juan Marik kotxe elektrikoen teknologiari begirada bat egingo ziola proposatu zuen .

Planoak eta maketa

Carlosek piezak sortu zituen eta 3D inpresoran 20 zmtako maketa egin genuen.

2022-12-29

Davidek ez du maketa batere ondo ikusi eta bilaketa sakona egin du internetean, kotxe frantsesari buruz. Teknologia handiko ibilgailua dela garbi dago...

... eta argi gelditu da guk ezin dugula horrelako makina bat egin!

Piezak biltzen

Bitartean, bi patin zahar eskuratu ditugu. Motoreak askatu eta 20"tako gurpiletan jarri beharko ditugu gurpegien ordez.

Motoreen 2 kontroladoreak ere eskatu eta iritsi dira. Laster mugimenduen frogetan hasiko gara!

Jarraitzeko bidea : Bastidore batean 4 motoreak jarriko ditugu eta bi palanka eta bi kontroladoren bidez eskuinaldeko eta ezkerraldeko gurpilak aurrera edo atzera mugituko ditugu. Horela uste dugu bolanterik edo direkziorik gabe errez eta ongi bideratuko dela kotxetxoa. Horren ondoren txasisarekin pentsatuko dugu.

Joan den asteazkenean ideia interesgarriak sortu dira:

malgugailuak >> silentblocks?

Gurpilak 3Dn egin vs egurrezkoak

Ezker-eskuin banaketa

" palanken bidea"

hasierako froga 20 kg kargarekin.

------------------ x -----------------

2023-01-18

Eduk bastidore bat prestatu du, gurpilekin eta kontroladoreekin lan egiteko

eta gurpil bat egin du 3Dn, ea llantak kubiertari eusten dion

Hau da bastidorea prest lau motoreekin (patinen gurpilak) eta bi kontrol-plaka. Beste bi plakak laster iritsiko dira eta hasiko gara kableak jartzen, ea asmatzen dugun...