Primecoatekin amaitzeko gertu

Hirugarren saioa eman diot eta ia-ia materiala bukatu zait. Litro erdia-edo geratu zait azken erretokeak emateko... Baina dagoena izango da, ez dago besterik... Lixatu ondoren pintura txuria, barniza eta kitto!

Bigarren geruza eman eta lixatu ondoren, koxka batzuk oraindik nabaritzen ziren...

 Hirugarrena emanda, ea ongi estali diren... Lixatu ondoren ikusiko dugu

 Materiala oso txatxua da, berehala gogortzen da, oso lodia... Poteetan dezente galdu dut...

 

 ... eta zikina!

Baina tarteka... loretxoak ateratzen dira! Hau Getxoko Santirentzat izan dadila.

Primecoatekin jarraitzen dut...

Saio gutxi egin ditut azken bolada honetan, gauza batzuk aldatu dira nere denboran eta ezin diot denbora lasai eman... Honez gero bigarren geruza ari naiz lixatzen. Beste hirugarren bat emango diot eta kitto, bukatuko zait materiala. Bastante ondo ari da geratzen, baina oso neketsua da, oso motela... Hamaika aldiz damutu zait Fontan-i kasu ez egitea... berak molde alderuntz esaten baitzidan... Bideo txiki bat egin dut, denboraren neurri motela ikusteko (laster jarriko dut)

Maketa atera dut berriro, ideia irudikatzeko... Badoa...!

Primecoatekin lanean

Oso material bitxia da: lodia, zikin xamarra eta oso azkar lehortzen da, korrika ibili behar da, berak markatzen du errimoa (material dezente ari naiz baztertzen, eman gabe gogortzen zaidalako...)... Gainera disolbente asko omen du, oso lurrintsua da, usain fuertea... Mozorroa erabili behar da, nahitaez...  Ez dakit ingurukoak gogaituko ote ditudan...

 Baina ondo lixatzen da... Hirugarren geruzarekin ongi gelditukoa da. Hala ere, gune sakontxoak ezin dira bete, ez da masilla modukoa... Koat honek ongi estaltzen ditu ehunak uzten dituen erliebeak, koxka txikiak eta horrelakoak, baina beheguneak, ez...

Hala ere pozik nago, aurrera baitoa eta ongi geldituko baita... Baina azken egun hauetan lan gutxi egin dut... beste lehentasunak sortu dira... Presarik ez dut, baina laister hirugarren urtea beteko da. Ez dakit aurrekoan esan ote dudan, baina lan honek karrera unibertsitarioa ematen du, peritaje bat...

primecoat-a

Dagoenekoz hasi naiz material berria ematen. Loditxoagoa da eta berehala gogortu egiten da, 300 cc-kin ongi moldatzen naiz.. Oso ongi lixatzen da eta oraingoz malgua da, asko okertuta ere ezpaita pitzatzen...

 Esku batzuk eman beharko ditut koska horiek berdintzeko...!

Azken geruza bana goikaldeetan eta ARAZOA

Kubiertak bigun xamar zeudela iruditu zait, zanpatuz gero 5 bat mm hondorarzen dira erdiguneak ... Geroan zutik-eta egoteko nahiago izan dut indartu pixkat, eta zuntza-ehuna baneukanez...

 Ez dakit zenbat pisu daukan kasko bakoitzak gaur egun. Espero dut 40-45 kg-tik ez pasatzea... Egun hauetako batean egingo dut pisaketa berria, prime-coat eman baino lehen..

 
Bukatuta goiko geruzak

-------------------

 Arazo larria sortu da prime-coat-en poteak irekitzean: materiala erabat hondatuta dago!! Krema beltza izan ordez, azalore moduko hori azaldu da!

 Izan ere, ia hiru urte pasa dira erosi nuenetik, baina hauek ez zuten kaduzitate-datarik... Berria erosi beharko ditut..
 ----------------------

Beste kolax bat egin dut; bide berria, agian..

 

Bukatu dut lixaketa eta konponketak

Bukatutzat eman daiteke fase hau. Laster "prime-coat geruza" jarriko diot. Eta gero... pintatu. Materiala zaharkitu da, denbora asko pasa baita. Lehen bait lehen bukatu behar ditut kaskoak. Gero, egurretan, ez dago presarik.

 egun hauetako batean izpi berdea ia-ia arrapatu dut...!

... eta beste kolax bat egin dut, pago-motxa...

 ...eta maketaren eskalan dagoen panpina...

... edo aldrebes!

Lixatzen hasi naiz

Bi erreminta hauek erabiltzen ari naiz. Diskoak oso ongi jaten du, gehiegi agian deskuidoan, lixak berriz gutxi, xafla berehala betetzen baita.. Hala ere hauts handia sortu da...

 Xaflen arteko loturak zenbait lekutan ez daude ongi itsatsita, orain konponduko ditut...

 ... eta estriborreko brankari asko kendu behar izan diot itxura pixkat emateko, zuloak egin arte... 

Konponduko ditut loturak eta branka, berriz lixatu pixkat, eta prime-coat emateko gertu egongo da. Ea nolakoa den, zer gertatuko den...

Beste bi kolax egin ditut...