Bodegoia

 Azken egun hauetan margotu dudan bodegoia auzoko fruta dendan jartzeko baimena eman dit dendariak. Eskerrik asko!

 

Plakaren planoak

Internetean plaka hauen planoak aurkitu ditugu. Garatzaileren batek pausoz pauso joan da eta bide guztiak, osatzaile guztiak eta lotura guztiak aztertu  eta marraztu ditu. Txapo!!

Arrankearen aldeko transistore batek ez du seinale onik ematen. Hori izan daiteke... Beste plaka batean begiratuta, ongi dagoen bat atera dugu eta "trasplantea" egin diogu.

Baina ez du funtzionatu.. Bost plaka ditugu eta bat bakarra dabil ongi. Oso ezegonkorrak dira eta ez dira batere fidagarriak, birziklatuak behintzat...Amore eman dugu eta sistemaz aldatzeko erabaki dugu. Bizikleta eta patineteen kontroladore aldera joko dugu. Internetean begiratu ditugu eta baten bat badago atzerakako martxarekin eta frenoarekin. Modu honetan motor bakoitzak bere kontroladorea behar du...

Bat erosiko dugu eta frogatu, ea nola dabilen. Horren arabera aurrera jarraituko dugu..
 

Plaka amak

 Hau da muntaketaren eskema nagusia, serboa oraindik hor dagoela...

Plaka bakar bat dugu martxan, beste bi ere baditugu baina ez daude ongi eta ez dakigu zergaitikan den.. Plaka horien mikroprozesadoreek ez dute programa berria jasotzen, hondatuta egon daitezkeelako.

 Daukaguna ibili badabil!

David mikroak kentzen eta berriak jartzen jardun da, ea plakaren bat errekuperatzen dugun...

Gezurra dirudi baina mikroprozesadoreak oso merkeak dira

Ondo itsatsita geratu da baina ez dabil. Arazoa ez da mikro hori bakarrik... Auskalo zer den..

Serboa

Gurpil horzdunak jarri eta frogatu dugu

 

 

  

Baina serboak ez dio eutsi ezker-eskubiko joan etorriei, aldaketetan sortzen diren inertziei hain zuzen... Behar bada airean egiteagatik... Barruko hortzak apurtu dira...

Beste modu bat bilatu behar dugu.

 

 

 

 

 

 

 

Joysticka

  Internetetik jaitsi dugun modeloa ez dabil ongi, goma elastikoek pieza mugikorrak desbideratu egiten baitituzte, marruskadura pixka bat sorten da eta kirtenak ez du bertikalera bakarrik itzultzen...

Beste modelo bat hartu dugu eta ongi dabil. Errodamendu axiala darama erdian eta horrek asko laguntzen dio..

Ezpel-kirtena egin dugu☺

Bi potentziometro behar dira angelu guztiak neurtzeko. 

Bideratzeko laguntza behar

 Lurreko saioan arazo bat ikusi dugu: aurreko ardatza oso mugikorra da eta ez da erreza joystickarekin bideratzea. Hankekin lagunduta, ezker eskubiko mogimendua pixka bat eutsita, bai ibili daitekeela. 

Horrek eraman gaitu serbo motor bat erdian ipintzera, mugimendua apaltzeko. 

Laserrarekin egurrez egindako piezak, aztertzeko

Serboa programatzen

Honela geldituko da altzairuz egiten dugunean...

Ibili da!!

 Gaur jarri dugu martxan! Davidek lortu du. Eskerrik asko!! 

Aurreko gurpilei lotu diegu plaka-ama eta bateria. Beste plaka lortu ondoren atzeko gurpilak batuko ditugu.  Arazoak eman ditu zer ote zen asmatu arte: bateriak indar gutxi ematen zuela, gurpil bat ez zebilela... Azkenean lortu dugu: Motor baten bi kable lekuz aldatuta zeuden, instrukzioetan gaizki jarrita!!

Orain frogatan hasiko gara nola mugitzen den ikusteko eta programan neurri egokiak finkatzeko...

Beste aldetik joystick bat deskargatu dugu internetetik, pieza guztiak inprimatzeko prest, Michael Rechtin-i eskerrak emanez, marrazki eskuragarria jarri baitu creative commons moduan!!

Eta inprimatu ditugu. Laster muntatuko dugu.

Gurpilak jarrita

 

Gaur gurpilen muntaketa bukatu eta txasisean jarri ditugu, eta oso itxura ona du. Motelgailuak eskas xamarrak gelditzen dira, behar bada, baina orain mugimenduekin hasiko gara... Geroxeago izango dugu berriro hartzeko aukera..

 Hau da egiten duen gehieneko biraketa. Ikusiko dugu lurrean nola ibiltzen den...